ثلات شهور مرقوا، وبقلبي مزيج مشاعر اللي صعب أوصفها بكلمات. دخلنا كغربا، وطلعنا كعيلة حقيقية. كل لقاء كان مليان لحظات اللي نحفرت فقلبي – ضحك، تأمّل، تحدّيات، ولحظات اللي حسّيت فيها إنه إحنا أكتر من مجموعة، إحنا روح وحدة. كل حدا فيكو لمسني بطريقته – بكلمة، بنظرة، بابتسامة، بعبوطه، بدعم صادق. تعلمت منكو أكتر مما كنت متخيل، مش بس عن التوجيه والإرشاد، بس عن الحياة، عن الصبر، عن القوّة اللي فداخلنا. في أيام حسّيت فيها بالتعب، بالتردد، بس وجودكو، دعمكو، واللحظات اللي تشاركناها، كانوا القوة اللي دفعتني لقدام. هالدورة مش بس علمتني، غيّرت فيّ كثير اشياء، فتحتلي آفاق جديدة، وخلتني أحس بقيمة الأشياء اللي بعملها. شكرًا من كل قلبي لتامر وللينكس، عالطريق، عالقلب اللي وسعنا كلنا، عالضحكة، عالدمعة، عالإحساس إنه أنا مش لحالي. بعرف إنه هالمشوار ما خلص هون، ورح نرجع نلتقي، لأن القلوب الصافية بتضلها تلاقي بعضها. بمحبة كبيرة وإمتنان، ثائر